Իսրայելի պաշտպանության բանակը հայտարարել է, որ պահեստազորային ուժեր է տեղակայել Լիբանանի սահմանին գտնվող քաղաքներում․ «Բնակիչների անվտանգությունն ապահովելու համար ուժերը քաղաքներում իրականացնում են պաշտպանական տարբեր առաջադրանքներ, որոնք ներառում են պարեկություն, դարանակալում և արգելափակոցների տեղադրում»,- հայտնել է կառույցը։
Իսրայելի հյուսիսում վերջին օրերին լարվածությունը աճել է․ սահմանին մի քանի մահացու բախում է եղել, որոնցից մի քանիսի պատասխանատվությունն ստանձնել են պաղեստինյան ահաբեկչական խմբավորումները, որոնք գործում են լիբանանյան «Հեզբոլլահ»–ի կողմից, իսկ մյուսներինը՝ հենց «Հեզբոլլահ»–ը:
