Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՌԴ նախագահ Վլադիմիր Պուտինի հետ։ Երկու երկրների ղեկավարները քննարկել են Իսրայելի և Պաղեստինի միջև լարվածության աճը կանխելու միջոցառումները։
Զրույցի ընթացքում գնահատվել է, թե ինչ նախաձեռնություններ են ձեռնարկվելու տարածաշրջանում մարդասիրական կարիքները հոգալու համար։
Ընդգծելով, որ քաղաքացիական բնակավայրերի գնդակոծումն անհանգստության տեղիք է տալիս, և որ նման նախաձեռնությունները չեն ողջունվում Թուրքիայի կողմից՝ Էրդողանն ասել է, որ Թուրքիան կշարունակի գործադրել բոլոր ջանքերը՝ տարածաշրջանում հանգստություն ապահովելու համար։
Անդրադարձ է կատարվել նաև տարբեր ոլորտներում ռուս-թուրքական համագործակցության առանձին հարցերի։
