Միջազգային
«Ադրբեջանը ձգտում է խաղաղ ճանապարհով գործարկել ցամաքային միջանցքը Հայաստանի հարավում». Հաջիև
27 Սեպտեմբերի 2023, 10:38
«Ադրբեջանը մտադիր չէ ռազմական գործողություններ ձեռնարկել Հայաստանի հարավում ցամաքային միջանցք ստեղծելու համար»․ երեքշաբթի այդ մասին Բրյուսելում հայտարարել է Ադրբեջանի նախագահի խորհրդական Հիքմեթ Հաջիևը:
«Ադրբեջանը Հայաստանի ինքնիշխան տարածքի նկատմամբ ոչ մի ռազմական նպատակ կամ խնդիր չունի, դա լրիվ դուրս է Ադրբեջանի օրակարգից։ Մեր առաջարկը Հայաստանին վերաբերում է հաղորդակցության ուղիների, տրանսպորտային գծերի՝ խաղաղ ճանապարհով կառուցմանը»,- ասել է նա Reuters-ին։
Բրյուսելյան բանակցություններում պաշտոնյաները քննարկել են հոկտեմբերի 5-ին իսպանական Գրանադայում կայանալիք եվրոպական գագաթնաժողովում Ալիևի և Հայաստանի վարչապետ Նիկոլ Փաշինյանի հնարավոր հանդիպման հնարավորությունը։
