Միջազգային
Ադրբեջանը համաներում է խոստանում եթե զինաթափվեն հայկական զինված ուժերը
Ադրբեջանի ԱԳՆ-ն հայտարարություն է տարածել՝ պահանջների շարք հղելով Արցախի իշխանությունների և Հայաստանին։
Հայտարարությունում, մասնավորապես ասվում է. «Ադրբեջանը Հայաստանից պահանջում է դադարեցնել ռազմական շինարարությունը Ղարաբաղի տարածաշրջանում, հրաժարվել իր ռևանշիստական ծրագրերից, դադարեցնել Ադրբեջանի ինքնիշխանության և տարածքային ամբողջականության խախտումը և դադարեցնել Ադրբեջանի Ղարաբաղի տարածաշրջանում անջատողականությանն ու ահաբեկչությանը աջակցելը։
Ադրբեջանը պահանջում է նաև Հայաստանի զինված ուժերի անձնակազմի անհապաղ դուրսբերում, Հայաստանին ենթակա անջատողական ռեժիմի ռազմական և, այսպես կոչված, «կառավարական» կառույցների լուծարում, ինչպես նաև Ղարաբաղի տարածքում ապօրինաբար տեղակայված հայկական ուժերի զինաթափում։ Ադրբեջանն այս դեպքում համաներում կարող է կիրառել խամաճիկ ռեժիմի «ներկայացուցիչների» նկատմամբ»։
