Միջազգային
Ռուսաստանի և Թուրքիայի տարաձայնությունները խոչընդոտում են գազային հանգույցի ստեղծմանը
15 Սեպտեմբերի 2023, 12:49
Թուրքիայում գազային հանգույցի ստեղծումը հետաձգվել է Մոսկվայի և Անկարայի միջև տարաձայնությունների պատճառով, թե որ կողմն է այն շահագործելու։ Այս մասին հայտնել է Reuters գործակալությունը՝ վկայակոչելով իրավիճակին ծանոթ երկու աղբյուրի․
«Կան կառավարման խնդիրներ․ վիճում են, թե ով պետք է կառավարի հանգույցը», - ասել է գործակալության զրուցակիցը, ով ցանկացել է անանուն մնալ:
«Գազպրոմին» մոտ կանգնած մեկ այլ աղբյուր ևս խոստովանել է, որ կա կառավարման խնդիր։ «Գազպրոմ»-ի և Թուրքիայի էներգետիկայի նախարարության ներկայացուցիչները չեն պատասխանել Reuters-ի մեկնաբանություններին։
