Միջազգային
«Օտար ուժերի ցանկացած ներկայություն տարածաշրջանում ավելի կբարդացնի իրավիճակը». Աբդոլլահիանը՝ Միրզոյանին
14 Սեպտեմբերի 2023, 10:17
Սեպտեմբերի 13-ին Հայաստանի արտաքին գործերի նախարար Արարատ Միրզոյանը հեռախոսազրույց է ունեցել Իրանի արտաքին գործերի նախարար Հոսեյն Ամիր Աբդոլլահիանի հետ:
Ըստ Իրանի ԱԳՆ թվիթերյան էջի՝ «Ամիր Աբդոլլահիանն անդրադարձել է Հայաստանի և ԱՄՆ-ի կողմից անցկացվող զորավարժություններին` նշելով, որ օտար ուժերի ցանկացած ներկայություն տարածաշրջանում ավելի կբարդացնի իրավիճակը: Կայուն խաղաղության հասնելու համար Իրանի ԱԳ նախարարն ընդգծել է տարաձայնությունների արմատական պատճառների դեմ պայքարի անհրաժեշտությունը՝ հավելելով, որ համապարփակ խաղաղություն ապահովելու ամենաարդյունավետ ճանապարհը տարածաշրջանային բանակցություններն ու մեխանիզմներն են, այդ թվում՝ 3+3 մեխանիզմը»։
