Միջազգային
ԱՄՆ պետքարտուղարի խոսնակը՝ Աղդամի ճանապարհով ԼՂ հումանիտար բեռի առաքման մասին
13 Սեպտեմբերի 2023, 9:30
ԱՄՆ պետքարտուղարի խոսնակ Մեթյու Միլլերն անդրադարձել է հայ–ադրբեջանական հարաբերություների կարգավորման գործընթացին՝ նշելով, որ ԱՄՆ–ը շարունակում է աշխատել Հայաստանի և Ադրբեջանի միջև իրավիճակի կարգավորման ուղղությամբ։
«Ինչպես երեկ ասացի, պետքարտուղարն անձամբ է մասնակցել դրան՝ միայն վերջին շաբաթվա ընթացքում բազմաթիվ զրույցներ անցկացնելով։ Վերջին 24 ժամվա ընթացքում մարդասիրական բեռների մեկ խմբաքանակ արդեն Աղդամի երթուղով դեպի Լեռնային Ղարաբաղ անցել է, և այդ պատճառով մենք կկրկնենք մեր կոչը կոնկրետ այս հարցի վերաբերյալ՝ դեպի ԼՂ երկու միջանցքների բացման կարևորության մասին»,– ասել է նա։
