«Նախագահ Զուրաբիշվիլին կորցրել է իր հեղինակությունը և իրավունք չունի Եվրոպայում խոսել Վրաստանի անունից», - այդ մասին հայտարարել է Վրաստանի վարչապետ Իրակլի Ղարիբաշվիլին։
Սա նրա առաջին մեկնաբանությունն է Զուրաբիշվիլիի՝ առանց կառավարության համաձայնության եվրոպական շրջագայության շուրջ ծագած սկանդալից հետո։ Հիշեցնենք՝ Զուրաբիշվիլիի եվրոպական այցից հետո Վրաստանի խորհրդարանի իշխող «Վրացական երազանք» խմբակցության ղեկավար Իրակլի Կոբախիձեն հայտարարել էր, որ դիտարկվում է նախագահի նկատմամբ ինփիչմենթի գործընթաց սկսելու հավանականությունը։
