«Россия Сегодня» մեդիա խմբի և RT հեռուստաալիքի գլխավոր խմբագիր Մարգարիտա Սիմոնյանը «Россия 1» հեռուստաալիքի եթերում հայտնել է, որ մեկ շաբաթվա ընթացքում երկրորդ անգամ անօդաչու թռչող սարք է ընկել իր տան մոտ։
«Մեր տան մոտ մեկ շաբաթվա ընթացքում երկրորդ անգամ անօդաչու թռչող սարք է ընկել՝ բարձր ձայնով։ Չես հասցնում քնել, երբ արթնանում ես»,- ասել է Սիմոնյանը։
Նրա կարծիքով՝ «ահաբեկիչները, արձակելով անօդաչու թռչող սարքեր, այդ թվում Մոսկվայի տարածքում, ունեն տիպիկ ստեղծագործական ոճ և ձգտում են Ռուսաստանին հրաժարվել հատուկ գործողությունից»։ Նա նշել է, որ նման գործողությունները կարող են հանգեցնել նրան, որ «ոչ միայն հետ չեն տալու, այլ ընդհանրապես՝ արգելակներն այս դեպքում կխափանվեն, կմնա մեկ ոտնակ՝ գազը»։
«Նրանք ցանկանում են ցուցադրական խուճապ ստեղծել, որ վազենք մեր նախագահի մոտ և ասենք, որ մեզ հողեր պետք չեն, եկենք վերադարձնենք հողերը, որպեսզի այս դրոնները չթռչեն մեր գլխի վրայով»,- պարզաբանել է Սիմոնյանը։
Նա հավելել է, որ ռուս զինվորականներն անում են ամեն ինչ՝ անօդաչու թռչող սարքերի հարձակումները հետ մղելու համար։
