Անօդաչու թռչող սարքը հարվածել է կառուցվող «Մոսկվա Սիթի» բիզնես համալիրի շենքին. այս մասին Telegram-ում հայտնում է Ռուսաստանի մայրաքաղաքի քաղաքապետ Սերգեյ Սոբյանինը։ Սոբյանինի խոսքով՝ երկրորդ անօդաչու թռչող սարքը խոցվել է հակաօդային պաշտպանության ուժերի կողմից՝ Մոսկվայի մարզի Մոժայսկի շրջանում, տուժածներ չկան։
Մինչդեռ ռուսալեզու Telegram ալիքները հրապարակել են տեսագրություններ, որոնք պատկերում են Մոսկվայում պայթյունի պահը, իսկ ռուսական պետական ТАСС-ը և «ՌԻԱ Նովոստին» հաղորդում են Մոսկվայի մի շարք թաղամասերում քաղաքացիների կողմից շտապօգնության ծառայության համապատասխան զանգերի մասին։
