Առնվազն 13 մարդ է զոհվել, ևս երկուսը վիրավորվել Պակիստանի հյուսիս-արևմուտքում տեղի ունեցած պայթյունի հետևանքով։
Այս մասին հայտնում է Dawn թերթը՝ ոստիկանությանը հղումով։
Հաղորդվում է, որ միջադեպը տեղի է ունեցել Խայբեր–Պախտունխվա նահանգում։ Պայթյունի հետևանքով ամբողջությամբ ավերվել է բանվորների տեղափոխող ֆուրգոնը։
Տեղի իշխանությունները նշել են, որ զինյալները ռումբ են տեղադրել ճանապարհի եզրին՝ նպատակ ունենալով հարվածել երկրի անվտանգության ուժերի ավտոշարասյունին։
