Միջազգային
Ջո Բայդենը հայտարարել է, որ մտածում է Հավայի նահանգ մեկնելու մասին
13 Օգոստոսի 2023, 21:15
ԱՄՆ նախագահ Ջո Բայդենը հայտարարել է, որ մտածում է Հավայի նահանգ մեկնելու մասին, որտեղ մոլեգնում են ավերիչ անտառային հրդեհները։
«Մենք ուսումնասիրում ենք այս հարցը», - ասել է Բայդենը լրագրողների հետ կարճ զրույցում, որի ընթացքում նախագահին հարցրել են Մաուի կղզի մեկնելու հնարավորության մասին, որտեղ բնական աղետի հետևանքով զոհվել է գրեթե 100 մարդ։
Մաուի և Մեծ կղզիներում անտառային հրդեհները սկսվել են չոր և շոգ եղանակի պատճառով: Հրդեհը ոչնչացրել է մի քանի բնակավայր, այդ թվում՝ հայտնի զբոսաշրջային Լահայնա քաղաքը։ Իշխանությունները ստիպված են փակել ճանապարհները, հասարակական տրանսպորտը չի աշխատում. Տեղի հարյուրավոր բնակիչներ տարհանվել են։
