Միջազգային
«Ռուսաստանի առաջարկած 50 հազար տոննան համաձայնագրով արտահանվող 20 մլն տոննայի դիմաց անհամեմատելի է». Բլինքեն
«Ռուսաստանի առաջարկած հացահատիկի մատակարարումը աֆրիկայն երկրներին չի փոխի իրավիճակը շուկայում և չի լուծի գների աճի խնդիրը», - այս մասին հայտարարել է ԱՄՆ պետքարտուղար Էնթոնի Բլինքենը։
«Ռուսաստանը, ըստ երևույթին, արտահայտել է 50 հազար տոննա հացահատիկ 5-6 երկիր մատակարարելու գաղափարը։ Ինչ առաջարկում է Ռուսաստանը, մի կաթիլ է ծովում: Դա չի լուծի խնդիրը ու չի կանգնեցնի գների աճը։ Դա չի փոխի այն փաստը, որ միլիոնավոր տոննա հացահատիկ է հանվել շուկայից և անհասանելի է դարձել կարիքավորների համար, հատկապես՝ զարգացող երկրներում», - հայտարարել է Բլինքենը ֆրանսիական ռադիոկայանին տված հարցազրույցում։
Պետքարտուղարի խոսքով՝ Սևծովյան հացահատիկային նախաձեռնության շրջանակներում զարգացող երկրներ է արտահանվել 20 մլն տոննա հացահատիկ:
«Ռուսաստանի առաջարկած 50 հազար տոննան համաձայնագրով արտահանվող 20 մլն տոննայի դիմաց անհամեմատելի է», - նշել է պետքարտուղարը:
Անցյալ շաբաթ ՌԴ նախագահ Վլադիմիր Պուտինը կառավարության հետ խորհրդակցության ժամանակ հայտարարել էր, որ ՌԴ-ն «հացահատիկային գործարքի» հակառակորդ չէ և պատրաստ է վերադառնալ դրան, երբ կատարվեն ռուսական կողմի առաջադրած բոլոր հիմնական պայմանները:
