Միջազգային
Կիևի «Մայր Հայրենիք» հուշարձանից հանել են ԽՍՀՄ գերբը (ԼՈՒՍԱՆԿԱՐՆԵՐ)
Կիրակի առավոտյան Կիևի «Մայր Հայրենիք» հուշարձանի վահանի վրա տեղադրվել է եռաժանի ՝ Ուկրաինայի պաշտոնական խորհրդանիշը։
Դնեպրի ափին գտնվող «Մայր Հայրենիք» հուշարձանը Եվրոպայի ամենաբարձր մոնումենտալ քանդակն է և հինգերորդն աշխարհում: Պատվանդանով Հուշարձանի բարձրությունը 102 մետր է։ Արձանը պատկերում է մի կնոջ, ով վեր է բարձրացնում վահանն ու թուրը։
Օգոստոսի սկզբին ուկրաինական կառավարության որոշմամբ քանդակի վահանից հանվել էր ԽՍՀՄ զինանշանը։:
Եռաժանի տեղադրումը նախատեսված էր շաբաթ օրը, սակայն աշխատանքներին խանգարել է ուժեղ քամին։ Աշխատանքները դեռ շարունակվում են։
«Դա տեղի ունեցավ! Ուկրաինական եռաժանին իր տեղում է ։ Դա բարդ, պատասխանատու, պատմական նախագիծ էր ։ Շնորհակալություն եմ հայտնում բոլորին, ում շնորհիվ դա տեղի ունեցավ՝ դոնորներին, նախագծողներին, շինարարներին, քանդակագործին, պատերազմի թանգարանի աշխատակիցներին, բոլոր նրանց, ովքեր երկրպագում էին այդ փոփոխություններին և աջակցում», – տելեգրամյան Ալիքում գրել է Ուկրաինայի մշակույթի նախկին նախարար Ալեքսանդր Տկաչենկոն։
Ավելի վաղ Ուկրաինայի մշակույթի և տեղեկատվական քաղաքականության նախարարի պաշտոնակատար Ռոստիսլավ Կարանդեևը պատմել էր, որ աշխատանքներն ամբողջությամբ պետք է ավարտեն մինչև անկախության օրը, որը նշվում է օգոստոսի 24-ին:
ԽՍՀՄ զինանշանը կուղարկվի թանգարան՝ պահելու համար:
