Միջազգային
Ավելի քան 40 զոհ՝ թմրավաճառության դեմ պայքարի շրջանակներում խուզարկությունների արդյունքում
Բրազիլիայի ոստիկանության կողմից երկրի երեք նահանգներում թմրավաճառների դեմ իրականացված խոււզարկություների արդյունքում առնվազն 43 մարդ է զոհվել․ հայտնում է BBC-ն։
Ռիո դե Ժանեյրոյի ֆավելաներում գործողության ընթացքում, իշխանությունների տվյալներով, ոստիկանները ստիպված են եղել պատասխան կրակ բացել։ Փոխհրաձգության հետևանքով զոհվել է 10 մարդ։
Եվս 14 մարդ է սպանվել Սան Պաուլու նահանգում «Վահան» հնգօրյա ոստիկանական գործողության ընթացքում տեղի ունեցած բախումների հետևանքով:
Հյուսիսարեւելյան Բահիա նահանգի իշխանությունները հայտարարել են թմրանյութերի վաճառքի մեջ կասկածվող 19 մարդու մահվան մասին:
Բացի այդ, Սան Պաուլու նահանգում ոստիկանությունը ձերբակալել է 58 մարդու այն բանից հետո, երբ հինգշաբթի ծովափնյա Գուարուջա քաղաքում սպանվել է ոստիկանության հատուկ նշանակության ջոկատի աշխատակիցը:
Բրազիլական լրատվամիջոցների հաղորդմամբ՝ գործողությունների ընթացքում առգրավվել է 385 կգ թմրանյութ և զենք:
