Միջազգային
Զելենսկին այս տարվա աշնանը պլանավորում է «խաղաղության գագաթնաժողով» անցկացնել
Ուկրաինայի նախագահ Վլադիմիր Զելենսկին չորեքշաբթի օրը հայտարարել է, որ հույս ունի այս տարվա աշնանը Ուկրաինայի հարցով «խաղաղության գագաթնաժողով» անցկացնել: Նրա խոսքով՝ Սաուդյան Արաբիայում այս շաբաթ ընթացող բանակցությունները քայլ են այդ նպատակին հասնելու ճանապարհին:
Ուկրաինայի նախագահի կայքում հրապարակված հայտարարության մեջ Զելենսկին հայտնել է, որ օգոստոսի 5-ին և 6-ին Ջիդդայում կայանալիք հանդիպմանը ներկայացված կլինի մոտ 40 երկիր. հաղորդում է «Ամերիկայի ձայնը»:
Զելենսկին և նրա թիմը, համագործակցելով դաշնակիցների հետ, փորձում են լայն աջակցություն ստանալ «Խաղաղության գագաթնաժողովից»։ Ակնկալվում է, որ համաժողովում կհաստատվեն պատերազմի ավարտի համար գործողությունների հիմնարար սկզբունքները:
Գագաթնաժողովի օրակարգը հիմնված կլինի 10 կետից բաղկացած պլանի վրա, որը Կիևը մշակել է անցյալ տարվա աշնանը:
Այս առումով շարադրված խաղաղության հայեցակարգը նախատեսում է, մասնավորապես, Ուկրաինայի տարածքային ամբողջականության ամբողջական վերականգնում և ռուսական զորքերի ամբողջական դուրսբերում։ Գագաթնաժողովի անցկացման վայրը դեռ հայտնի չէ․ նշում Է Reuters-ը ։
Ուկրաինայի և արևմտյան պաշտոնյաները հայտարարել են, որ Ռուսաստանը գագաթնաժողովին չի մասնակցի:
