Միջազգային
Իրանը որևէ խոչընդոտ չի տեսնում Հայաստանի հետ հարաբերությունների զարգացման համար
Իրանի նախագահ Էբրահիմ Ռաիսին երկուշաբթի ընդունել է այցով Թեհրանում գտնվող Հայաստանի արտգործնախարար Արարատ Միրզոյանին և նրան ուղեկցող պատվիրակությանը։ Ընդգծելով տարածաշրջանային խնդիրների լուծման անհրաժեշտությունը հենց տարածաշրջանի երկրների միջոցով՝ Ռաիսին ընդգծել է, որ արտաքին միջամտությունը միայն սրում է իրավիճակը, փոխնցում է IRNA գործակալությունը։
«Աջակցելով Հայաստանի և Ադրբեջանի միջև խաղաղության շուրջ բանակցություններին՝ Իրանը հուսով է, որ այդ բանակցությունները տարածաշրջանում կստեղծեն խաղաղություն, անվտանգություն և հանգստություն»,- հավելել է նա։
Ընդգծելով, որ Իրանը չի ընդունում աշխարհաքաղաքական որևէ փոփոխություն և տարածաշրջանի երկրների սահմանների տեղաշարժ՝ Ռայիսին հավելել է, որ Իրանը սատարում է տարածաշրջանի բոլոր երկրների ինքնիշխանությունն ու տարածքային ամբողջականությունը։
Նա կարևորել է երկու երկրների միջև հարաբերությունների առավելագույն մակարդակը՝ հավելելով, որ Իրանը որևէ խոչընդոտ չի տեսնում Հայաստանի հետ հարաբերությունների զարգացման համար։
Արարատ Միրզոյանն, իր հերթին, բարձր է գնահատել Իրանի դիրքորոշումը Հարավային Կովկասի տարածաշրջանում տեղի ունեցող իրադարձությունների վերաբերյալ։ «Հայաստանը երբեք չի դառնա հակաիրանական գործողությունների հարթակ և միշտ կենտրոնանում է տարածաշրջանային անվտանգության և խաղաղության ընդլայնման վրա»,- ասաց նա։
Միրզոյանն Իրանի հետ հարաբերությունները շատ կարևոր է համարել Հայաստանի համար և ընդգծել երկու երկրների միջև դիվանագիտական հարաբերությունների ամրապնդման կարևորությունը։
