Միջազգային
«Ալիևը ինձ վստահեցրեց՝ Ադրբեջանը չի ձգտում միջանցք ստեղծել». Աբդոլահիան
Իրանի Իսլամական Հանրապետության ԱԳ նախարար Հոսեյն Աբդոլահիանը ՀՀ ԱԳՆ Արարատ Միրզոյանի հետ ասուլիսի ժամանակ անդրադարձել է հայ-ադրբեջանական խաղաղության բանակցություններին, այսպես կոչված «Զանգեզուրի միջանցքի» խնդրին և մանրամասներ պատմել իր և Ադրբեջանի նախագահ Իլհամ Ալիևի հանդիպումից։
Աբդոլահիանը, մասնավորապես, հայտարարել է. «Ես իմ գործընկերոջը [Արարատ Միրզոյանին] ասացի, որ Ադրբեջանի նախագահի հետ վերջին հանդիպմանը պարոն Ալիևը բարձրացրել է Զանգեզուրի միջանցքի հարցը՝ այս միջանցքի հետ կապված խոչընդոտները վերացնելու համար, և նա վստահեցրել է, որ Ադրբեջանը չի ձգտի միջանցք ստեղծել և փակել կապի ուղիները Ադրբեջանի և Հայաստանի միջև։ Մենք նաև ադրբեջանական իշխանություններին հայտնել ենք, որ Թեհրանը չի փակել Ադրբեջանի և Նախիջևանի միջև կապի երթուղին նույնիսկ ճգնաժամի ժամանակ»։
