Միջազգային
Վաղը տեղի կունենա Միրզոյան-Լավրով-Բայրամով բանակցությունները Մոսկվայում
ՌԴ ԱԳՆ-ն հայտնում է, որ հուլիսի 25-ին Մոսկվայում տեղի կունենան եռակողմ և երկկողմ բանակցություններ ՌԴ արտաքին գործերի նախարար Սերգեյ Լավրովի և Ադրբեջանի և Հայաստանի արտաքին գործերի նախարարներ Ջեյհուն Բայրամովի և Արարատ Միրզոյանի միջև։
Ըստ հաղորդագրության՝ «արտգործնախարարները կվերլուծեն Լեռնային Ղարաբաղի շուրջ իրավիճակի դեէսկալացիայի ուղիները և թե ինչպես ակտիվացնել Ռուսաստանի, Ադրբեջանի և Հայաստանի ղեկավարների միջև 2020 թվականի նոյեմբերի 9-ին, հունվարի 11-ին, 2021 թվականի նոյեմբերի 26-ից մինչև 2021 թվականի հոկտեմբերի 31-ի եռակողմ համաձայնագրերի կատարումը։ Ռուսաստանը պատրաստ է առավելագույն օգնություն ցուցաբերել այս հարցերում։ Նախարարները կքննարկեն նաև հայ-ադրբեջանական հարաբերությունների կարգավորման այլ առանցքային ուղիները, այդ թվում՝ տարածաշրջանում տրանսպորտային հաղորդակցությունների ապաշրջափակումը, Ադրբեջանի և Հայաստանի միջև սահմանի սահմանազատումը, հասարակության և փորձագետների շփումները, ինչպես նաև խորհրդարանականների միջև երկխոսության մեկնարկը»։
Նախատեսվում են նաև Լավրովի երկկողմ առանձնազրույցները Բայրամովի և Միրզոյանի հետ՝ քննարկելու ռուս-ադրբեջանական և ռուս-հայկական օրակարգերի արդիական հարցերը՝ քաղաքական, առևտրային, տնտեսական և հումանիտար ոլորտներում։
