Միջազգային
Ադանայում հարձակվել են թուրքական կուսակցության գրասենյակի վրա․ կա զոհ
22 Հուլիսի 2023, 21:46
Ադանայում հարձակվել են թուրքական իսլամիստական HÜDA PAR գրասենյակի վրա։ Հարձակման հետևանքով ծանր վիրավորվել է կուսակցության շրջանային ղեկավար Սալեհ Դեմիրը, իսկ Ադանայում կուսակցության գլխավոր քարտուղար Սաջիթ Պիշկինը մահացել է։
Տղամարդը մտել է գրասենյակ և դանակով վիրավորել կուսակցության առաջնորդներին։ Նա ձերբակալվել է։
HÜDA PAR-ը քրդամետ և իսլամամետ կուսակցություն է, որի չորս պատգամավորներ ընտրվել են խորհրդարանում իշխող AK Parti-ի ցուցակներով։ Սա միակ կուսակցությունն է, որը պաշտպանում է իսլամական իրավունքի ներդրումը և աշխարհիկության սկզբունքի վերացումը, ինչի համար ընդդիմադիր լրատվամիջոցներում մեծ քննադատության է արժանանում։ Ընտրությունների արդյունքներով Թուրքիայի խորհրդարանում հայտնվել են HÜDA կուսակցությունից 4 պատգամավոր։
