Հայաստանից 2000-ից ավելի ուսանողներ ներկայումս սովորում են ռուսական բուհերում, նրանց համար նախատեսված քվոտաները հետագայում կավելանան։ Այս մասին հայտարարել է Դաշնության խորհրդի փոխխոսնակ Յուրի Վորոբյովը Ռուսաստանի և Հայաստանի միջխորհրդարանական հանձնաժողովի նիստում, որը նվիրված էր երկու երկրների գիտակրթական համագործակցությանը։
Նա նշեց, որ Ռուսաստանի և Հայաստանի կրթական հաստատությունների կողմից ներկայումս իրականացվում են ավելի քան 38 համատեղ ծրագրեր։ Որպես միջբուհական հաջող համագործակցության օրինակ Վորոբյովը նշեց 2021 թվականին մեկնարկած նախագիծը՝ Պետերբուրգի պոլիտեխնիկական համալսարանում և Ռուս-հայկական պետական համալսարանում ասպիրանտուրայի համատեղ ծրագիր բացելու նպատակով։
