ԱՄՆ Կենտրոնական հետախուզական վարչության (ԿՀՎ) տնօրեն Ուիլյամ Բըրնսը կարծում է, որ Չինաստանը դեռ չի որոշել, թե արդյոք արժի ուժային լուծմամբ միավորել Թայվանը։
«Ես վստահ չեմ, որ նա նման որոշում է կայացրել: Կարծում եմ, որ այսօր Չինաստանի նախագահ Սի Ցզինպինը և Չինաստանի Ժողովրդա-ազատագրական բանակը կասկածում են, թե արդյոք նրանք կարող են հաջողության հասնել ընդունելի գնով Թայվան լայնամասշտաբ ներխուժման դեպքում»,- ասել է նա՝ պատասխանելով Ասպենի անվտանգության համաժողովի համապատասխան հարցին:
