Հոլիվուդի «Screen Actors Guild-American Federation of Television and Radio Artists» (SAG-AFTRA) արհմիությունը հայտարարել է հոլիվուդյան դերասանների գործադուլի մասին՝ կինոստուդիաների և հոսքային հարթակների (Netflix, HBO) հետ անհաջող բանակցություններից հետո։ Արհմիության տվյալներով՝ ակցիան կսկսվի հուլիսի 14-ի կեսգիշերին, Երևանի ժամանակով 11.00-ին:
160 մարդ կմիանա հոլիվուդյան սցենարիստներին, ովքեր արդեն երկուսուկես ամիս գործադուլ են անում: Սա ամերիկյան կինոարդյունաբերության ամենամեծ գործադուլն է վերջին 63 տարվա ընթացքում։
Գործադուլավորները ձգտում են ավելի բարձր բազային վարձատրության և հավելավճարներ հոսքային ծառայությունների կողմից: Նրանք նաև երաշխիքներ են պահանջում, որ իրենց աշխատանքը չի փոխարինվի արհեստական բանականության հարթակների արտադրանքով։
