«Հյուսիսատլանտյան դաշինքը աջակցում է Եվրամիության անդամ դառնալու՝ Թուրքիայի ձգտմանը, սակայն դա չպետք է խանգարի, որպեսզի Շվեդիան անդամակցի ՆԱՏՕ-ին, քանի որ երկիրը դրա համար կատարել է իր բոլոր պարտավորությունները», - այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը՝ Վիլնյուսում դաշինքի գագաթնաժողովից առաջ կայացած մամուլի ասուլիսում։
Նա մեկնաբանել է Թուրքիայի նախագահ Ռեջեփ Թայիփ Էրդողանի հայտարարությունը, ով, նախքան Վիլնյուս թռչելը, Շվեդիայի՝ ՆԱՏՕ-ին անդամակցելու հայտի հաստատման հեռանկարը կապել էր Եվրամիության ճանապարհին Թուրքիայի համար խոչընդոտների վերացման հետ։
