Հյուսիսատլանտյան դաշինքը (ՆԱՏՕ) մտադիր է հետաձգել Տոկիոյում գրասենյակ բացելու որոշումը մինչև աշուն կամ ավելի ուշ։ Այս մասին երկուշաբթի հայտնել է Nikkei Asia թերթը՝ հղում անելով աղբյուրներին։
Փարիզն այս իրավիճակում նախընտրում է չհրահրել Պեկինին, քանի որ հույսը դնում է տնտեսական կապերի զարգացման, նաև նրա վրա, որ Չինաստանն ի վերջո կխաղա իր դերը ուկրաինական հակամարտության կարգավորման գործում։ Միևնույն ժամանակ, Ֆրանսիան և ՆԱՏՕ-ի մյուս անդամները կենտրոնանում են Ասիա-խաղաղօվկիանոսյան տարածաշրջանի վրա և աջակցում են Ճապոնիայի և Հարավային Կորեայի հետ համագործակցության զարգացմանը:
