Միջազգային
Իսրայելը Կիևին «Երկաթե գմբեթ» չի տա․ մտավախություն կա, որ այն Իրանը կստանա
29 Հունիսի 2023, 18:11
Իսրայելը «Երկաթե գմբեթ» տեսակի հակաօդային պաշտպանության համակարգ և այլ զինատեսակներ չի փոխանցում Ուկրաինային՝ մտավախություն ունենալով, որ Իրանը կստանա դրանք։ Այս մասին հինգշաբթի օրը հրապարակված The Wall Street Journal-ին տված հարցազրույցում ասել է Իսրայելի վարչապետ Բենիամին Նեթանյահուն։
Նեթանյահուի խոսքով՝ Թեհրանն այնուհետ կկարողանա օգտագործել իսրայելական զենքերը հենց հրեական պետության դեմ․ «Իսրայելը խիտ բնակեցված երկիր է: Մեր զոհերի թիվն այնքան էլ մեծ չի լինում մեկ պատճառով. «Երկաթե գմբեթը» խոցում է հրթիռների 95%-ը, որոնք կարող են ավերել մեր բնակավայրերը: Եթե այս համակարգը հայտնվի Իրանի ձեռքում, միլիոնավոր իսրայելցիներ կմնան առանց պաշտպանության և կհայտնվեն վտանգի տակ»,- հավելել է վարչապետը։
