Ուկրաինայի նախագահ Վլադիմիր Զելենսկին կիրակի օրը հեռախոսազրույց է ունեցել ԱՄՆ նախագահ Ջո Բայդենի հետ։
Նրանք քննարկել են ռազմական գործողությունների ընթացքը և ՌԴ–ում տեղի ունեցող գործընթացները։ Զելենսկին շնորհակալություն է հայտնել ԱՄՆ նախագահին՝ Ուկրաինային ցուցաբերած աջակցության համար։
Նա կարևորել է օդային պաշտպանությունը, և շնորհակալություն հայտնել այդ հարցում աջակցության համար։
Երկու երկրների ղեկավարները քննարկել են նաև պաշտպանական ոլորտում համագործակցության հետագա ընդլայնումը` շեշտը դնելով հեռահար սպառազինությունների վրա։
