Ռուսաստանի նախագահ Վլադիմիր Պուտինն առաջիկայում հանդես կգա ուղերձով: Այս մասին ՏԱՍՍ-ին հայտնել է պետության ղեկավարի մամուլի քարտուղար Դմիտրի Պեսկովը:
«Իսկապես, մոտ ժամանակներս Պուտինը հանդես կգա ուղերձով», - ասել է նա՝ պատասխանելով համապատասխան հարցին:
Ինչպես արդեն հայտնել էինք, «Վագներ» ռազմական խմբավորման և ՌԴ ՊՆ-ի հարաբերությունները լարվել են։
Պուտինի նախկին խոհարար, «Վագների» առաջնորդ Պրիգոժինը հայտարարել է, թե ՌԴ ՊՆ Շոյգուն որոշել է ոչնչացնել իր խմբավորումը։ Նա կոչ է արել մարդկանց ոտքի կանգնել ու վերջ տալ Շոյգուի «ամենաթողությանը»:
