Վաշինգտոն այցով գտնվող Հնդկաստանի վարչապետ Նարենդրա Մոդին Ջո Բայդենի և նրա կնոջ՝ Ջիլի հետ հանդիպման ժամանակ նրանց նվիրել է զարդարված ճանդանի տուփ և լաբորատոր պայմաններում աճեցված 7,5 կարատանոց «էկոլոգիապես մաքուր» ադամանդ։ Այս մասին հինգշաբթի հայտնել է Times of India-ն։
Նվերների փոխանակումը տեղի է ունեցել ԱՄՆ նախագահի և առաջին տիկնոջ կողմից կազմակերպված պետական ընթրիքի ժամանակ։ Հնդկաստանի վարչապետը Ջիլ Բայդենին է ներկայացրել լաբորատոր պայմաններում աճեցված 7,5 կարատանոց ադամանդը, որի բնութագրերը նույնական են բնական ալմաստից պատրաստված ադամանդներին: Բացի այդ, դրա արտադրության մեջ օգտագործվել են վերականգնվող էներգիայի աղբյուրներ, ուստի այն համարվում է էկոլոգիապես մաքուր:
