Նոր Զելանդիայի վարչապետ Քրիս Հիփքինսը համաձայն չէ ԱՄՆ նախագահ Ջո Բայդենի կարծիքին, ով Չինաստանի նախագահ Սի Ցզինպինին բռնապետ էր անվանել։ Նոր Զելանդիայի կառավարության ղեկավարի համապատասխան հայտարարությունը հինգշաբթի հեռարձակվել է Television New Zealand պետական հեռուստաալիքի եթերում։
Հիփքինսը նշել է, որ ինքը ՉԺՀ-ի առաջնորդին բռնապետ չի համարում և համոզված է, որ «Չինաստանում կառավարման ձևը չինացի ժողովրդի ընտրությունն է»․ «Եթե նրանք ցանկանային փոխել կառավարման ձևն իրենց երկրում, դա նույնպես իրենց գործն է», - ասաց Հիփքինսը:
