Ուկրաինական զինված ուժերը հարձակողական գործողություններ են իրականացրել առաջնագծի առնվազն երեք հատվածներում և հաջողել են․ հայտնում են պատերազմի ուսումնասիրման ինստիտուտի (ISW) փորձագետները հունիսի 20-ի առավոտյան զեկույցում։
Միաժամանակ, Ռուսաստանը անօդաչու սարքերով հարձակվել է Ուկրաինայի հարավի վրա։ Ուկրաինայի զինված ուժերի գլխավոր շտաբն իր հերթին նշում է, որ Ռուսաստանը Ուկրաինայի տարածքում արձակել է 4 «Կալիբր» հրթիռ և 4 «Շահեդ-131/136» անօդաչու թռչող սարք՝ հավելելով, որ դրանք բոլորը ոչնչացվել են ուկրաինական հակաօդային պաշտպանության համակարգի կողմից։
