Չինաստանը հինգշաբթի օրը հաջողությամբ ուղեծիր է արձակել 41 փոքր արբանյակ, որոնց թվում է Jilin-1-ը։ Երկիրն, այդպիսով, գերազանցել է միանգամից մի քանի տիեզերանավ ուղեծիր արձակելու ազգային ռեկորդը: Այս մասին հայտնում է China Aerospace Science and Technology կորպորացիան։
2022 թվականին Չինաստանն իրականացրել է 64 արձակում՝ կրկին գերազանցելով սեփական ռեկորդը։ Նշված ժամանակահատվածում այս ցուցանիշով այն զբաղեցրել է երկրորդ տեղը ԱՄՆ-ից հետո։
