Վրաստանի խորհրդարանի կողմից վավերացվել է Վրաստանի և Ադրբեջանի կառավարությունների միջև պաշտպանության ոլորտում համագործակցության մասին համաձայնագիրը։
Համաձայնագրի բացատրագրի մեջ ասվում է, որ սահմանված համագործակցության ոլորտներն են՝ ռազմական կրթությունը, վարժանքները, ուսուցումը, պաշտպանական և անվտանգության քաղաքականությունը, համագործակցությունը ՆԱՏՕ-ի «Գործընկերություն հանուն խաղաղության» ծրագրի շրջանակներում, ռազմական օրենսդրությունը, ռազմական տեղագրությունը, ռազմական բժշկությունը, կիբերանվտանգությունը ևն։