Ինդոնեզիայի ռազմաօդային ուժերը և ԱՄՆ-ն սկսել են համատեղ ռազմաօդային ուժերի Cope West զորավարժությունները Ռոզմին Նուրջադին ռազմաբազայում, որը գտնվում է Ռիաու նահանգում: Այս մասին չորեքշաբթի հայտնել է հանրապետությունում ամերիկյան դեսպանատունը։
Զորավարժություններին, որոնք կտևեն մինչև հունիսի 23-ը, մասնակցում են ԱՄՆ ռազմաօդային ուժերի վեց F-16 կործանիչ և Ինդոնեզիայի ռազմաօդային ուժերի նմանատիպ յոթ ինքնաթիռ։ Զորավարժությունների նպատակը երկու երկրների ռազմական անձնակազմի միջև համակարգման բարելավումն է։