Ուկրաինայի արևմտյան դաշնակիցները դեռ պատրաստ չեն Ուկրաինային տրամադրել Կիևի պահանջած անվտանգության երաշխիքները․ այս մասին հինգշաբթի հայտնել է «Politico» թերթի եվրոպական հրատարակությունը՝ վկայակոչելով ՆԱՏՕ-ի պաշտոնյաներին։
Նրանց կարծիքով՝ արևմտյան առաջնորդները դեռևս կոնսենսուսի չեն եկել երաշխիքների հնարավոր տրամադրման, ինչպես նաև այդ քայլի հետևանքների և երաշխիքների՝ առաջարկվող ձևաչափի շուրջ։ Հրատարակությունը նշում է, որ Արևմուտքը չի ցանկանում Կիևին ՆԱՏՕ-ին անդամակցելու կոնկրետ ժամկետ տալ, սակայն «չի ցանկանում նաև հիասթափեցնել ուկրաինացիներին»։
