Այսօր Լեհանստնում ամենամարդաշատ բողոքի ցույցն է տեղի ունեցել 1989թ. ի վեր:
Շուրջ կես միլիոն մարդ ցույցի է դուրս եկել իշխող աջակողմյան «Օրենք և արդարություն» կուսակցության (PiS) իշխանության դեմ։
Ակցիայի կազմակերպիչների խոսքով՝ մարդիկ ցույցի են դուրս եկել՝ ընդդեմ կյանքի թանկության, կեղծիքների ու ստի, ինչպես նաև հանուն ժողովրդավարության, ազատ ընտրությունների և Եվրամիության։
Մարդիկ դուրս են եկել փողոց նախկին վարչապետ, ցենտրիստական ընդդիմադիր «Քաղաքացիական պլատֆորմ» կուսակցության ղեկավար Դոնալդ Տուսկի կոչից հետո:
