Միջազգային
«Դա կարևոր հայտարարություն է»․ Կրեմլն արձագանքել է Ուկրաինայի հակամարտության վերաբերյալ Նիկոլ Փաշինյանի խոսքերին
2 Հունիսի 2023, 15:47
ՌԴ նախագահի խոսնակ Դմիտրի Պեսկովը մեկնաբանել է Հայաստանի վարչապետ Նիկոլ Փաշինյանի հայտարարությունն առ այն, որ Հայաստանը ռուս-ուկրաինական կոնֆլիկտում Ռուսաստանի դաշնակիցը չէ։
Պեսկովը, մասնավորապես, հայտարարել է. «Մենք դա ընդունում ենք ի գիտություն․ դա կարևոր հայտարարություն է։ Մենք գիտենք, որ Ուկրաինայի շուրջ կոնֆլիկտի վերաբերյալ Հայաստանի մոտեցումներում կան որոշակի նրբերանգներ, ու մենք դրանք հաշվի ենք առնում»,- ասել է Պեսկովը։
Պեսկովը նաև հավելել է, որ շարունակում են զարգացնել «հայեցակարգային դաշնակցային հարաբերությունները» Հայաստանի հետ։
