Մայիսի 24-ին տեղի է ունեցել Ադրբեջանի ԱԳ նախարար Ջեյհուն Բայրամովի և ԱՄՆ պետդեպարտամենտի ավագ խորհրդական Լուի Բոնոյի հանդիպումը։
Հանդիպման ընթացքում քննարկվել են Ադրբեջանի և Հայաստանի միջև խաղաղության գործընթացը, «Խաղաղության և միջպետական հարաբերությունների կառուցման» համաձայնագրի նախագծի շուրջ բանակցությունների ներկա վիճակը, այդ շրջանակներում վերջին հանդիպումների արդյունքները և բանակցությունների հեռանկարները։
Լուի Բոնոն վերահաստատել է ԱՄՆ-ի պատրաստակամությունը՝ ամեն կերպ աջակցել խաղաղության գործընթացին։ Նա ընդգծել է տարածաշրջանի զարգացման համար խաղաղության ու կայունության ապահովման անհրաժեշտությունը։
