ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը հույս է հայտնել, որ շուտով կսկսվի F-16 կործանիչների մատակարարումն Ուկրաինա։
Պատասխանելով լրագրողի հարցին, թե որևէ նորություն կա՞ F-16 կործանիչների կոալիցիայի և Ուկրաինային դրանց տրամադրման հարցով, Բորելը պատասխանել է. «Դա լավ նախաձեռնություն է, որ արվեց G7-ի կողմից։ Վերջապես նրանք որոշեցին հող նախապատրաստել Ուկրաինային անհրաժեշտ կործանիչներով ապահովելու համար։ Այնպես որ, կարծում եմ, օդաչուների վերապատրաստումն արդեն սկսվել է․ սա առաջին բանն է, որ պետք է անել, և հուսով եմ, որ շուտով կկարողանանք Ուկրաինային տրամադրել նման զինատեսակներ», - նշել է Բորելը։
ԱՄՆ օդային ուժերի հրամանատար Ֆրենկ Քենդալն էլ հայտնել է, որ F-16 կործանիչների մատակարարումն Ուկրաինա կսկսվի մի քանի ամսից։
