Իրանի կենտրոնական բանկի ղեկավարի տեղակալ Մոհսեն Քարիմին հայտնել է, որ Ռուսաստանի կենտրոնական բանկի նախագահ Էլվիրա Նաբիուլինան երեքշաբթի կայցելի Թեհրան։ Այս մասին հայտնում է «Tasnim» գործակալությունը։
Թեհրանում երկու պետությունների կենտրոնական բանկերի ղեկավարների միջև նախատեսվում են բանակցություններ արժութային և բանկային ոլորտներում համաձայնագրերի ստորագրման շուրջ։ Նաբիուլինայի առաջիկա այցի մասին այլ մանրամասներ չեն հաղորդվում։
