Միջազգային
ԱՄՆ–ը հիասթափությամբ է արձագանքել ՀՀ համար օդային սահմանը փակելու՝ Թուրքիայի հայտարարությանը
ԱՄՆ պետքարտուղարի փոխխոսնակ Վեդանտ Պատելն անդրադարձել է հայ–թուրքական հարաբերությունների կարգավորման գործընթացին, հավելելով, որ հիասթափությամբ են արձագանքում օդային սահմանը փակելու մասին Թուրքիայի հայտարարությանը։
«ԱՄՆ-ն վճռականորեն աջակցում է Հայաստանի և Թուրքիայի հարաբերությունների կարգավորմանը, որը ոչ միայն կարևոր է այս 2 երկրների համար, այլև տարածաշրջանի կայունության։ Մենք հիասթափությամբ ենք արձագանքում Թուրքիայի հայտարարությանը, որ կասեցնում է հայկական օդանավերի համար թռիչքների թույլտվությունն իր օդային տարածքում։ Օդային հաղորդակցությունը վերականգնելու համաձայնությունը շատ կարևոր միջոցառում էր փոխվստահության կառուցման գործում` կրկին ոչ միայն այս 2 երկրների, այլև լայնորեն տարածաշրջանային կայունության առումով։ Անկեղծորեն հուսով ենք, որ Հայաստանն ու Թուրքիան կշարունակեն վերակառուցել կապերն ու կբացեն տրանսպորտային հաղորդակցության ուղիները»,– ասել է նա։
