Միջազգային
«Անհրաժեշտ է մեծացնել ՀԱՊԿ-ի շրջանակներում զենքի և ռազմական տեխնիկայի ստանդարտացումը». ՌԴ նախարար
«Աշխարհում տիրող բարդ աշխարհաքաղաքական իրավիճակը ՀԱՊԿ-ի առջև դնում է ասոցիացիայի շրջանակներում պաշտպանական ներուժի ինտենսիվ զարգացման խնդիրը», - այս մասին այսօր Դուշանբեում հայտարարել է ՌԴ արդյունաբերության և առևտրի նախարար, ՀԱՊԿ-ի ռազմատնտեսական համագործակցության միջպետական հանձնաժողովի ղեկավար Դենիս Մանտուրովը։
«Մենք հանդիպում ենք աշխարհաքաղաքական անկայունության բարդ ժամանակաշրջանում, որն ավելի արդիական է դարձնում ՀԱՊԿ պետությունների պաշտպանական ներուժի ինտենսիվ զարգացման խնդիրը: Այդ նպատակին հասնելու հիմնական գործիքներից մեկը գիտաարդյունաբերական համագործակցության զարգացումն է, զինամթերքի արտադրությունը, դրանց արդիականացումը։ Անհրաժեշտ է մեծացնել ՀԱՊԿ-ի շրջանակներում զենքի և ռազմական տեխնիկայի ստանդարտացման շեշտադրումները»,- հայտարարել է Մանտուրովը։
