ԱՄՆ նախագահ Ջո Բայդենը մտադիր է Ջուլի Չավես Ռոդրիգեսին, ով այժմ նրա ավագ խորհրդականն է, նշանակել իր՝ 2024թ. նախագահական նախընտրական արշավի ղեկավար։ Այս մասին երկուշաբթի օրը հայտնել է ամերիկյան «Politico» հրատարակությունը։
Սպասվում է, որ այսօր ԱՄՆ նախագահը կհայտարարի նախագահական մրցավազքում իր պաշտոնական մասնակցության մասին։ Ըստ «Politico»-ի՝ նա մտադիր է նաև հայտարարել Ռոդրիգեսի նշանակման մասին, ով այժմ Սպիտակ տանը վերահսկում է միջգերատեսչական համագործակցությունը։
