Ապրիլի 24-ին Ռուսաստանի Դաշնության արտաքին գործերի նախարար Ս.Վ. Լավրովը Նյու Յորքում հանդիպել է ՄԱԿ-ի գլխավոր քարտուղար Ա. Գուտերեշի հետ։ Հանդիպումը կայացել է ՄԱԿ-ի Անվտանգության խորհրդում ՌԴ նախագահության միջոցառումների շրջանակներում:
Լավրովը շնորհակալություն է հայտնել Գլխավոր քարտուղարին ՄԱԿ-ի Անվտանգության խորհրդի ռուսական կենտրոնական նիստերից մեկին նրա մասնակցության համար։
Տեղի է ունեցել քննարկում Ռուսաստանի և համաշխարհային կազմակերպության համագործակցության տարբեր ասպեկտների, ինչպես նաև միջազգային օրակարգի առանցքային հարցերի շուրջ: Քննարկման առանցքում եղել է Ուկրաինայում և նրա շուրջ ստեղծված իրավիճակը։
Երկուստեք կարևորվել է գլոբալ քաղաքականության մեջ ՄԱԿ-ի կենտրոնական համակարգող դերի հետագա ամրապնդումը և միջազգային իրավական հիմնարար նորմերի, այդ թվում՝ համաշխարհային կազմակերպության կանոնադրության նպատակների և սկզբունքների վրա հիմնված իրական բազմակողմանիության խթանումը։
