Իլոն Մասկը Նևադայում գրանցել է «X.AI» անունով ընկերություն՝ հիմք դնելով արհեստական բանականության ոլորտի ստարտափի։ Մասկը հաճախ է հրապարակայնորեն քննադատել OpenAI-ը՝ AI-ի ամենահայտնի ստարտափին: Փետրվարին հաղորդվեց, որ Մասկը դիմել է հետազոտողներին՝ առաջարկելով ստեղծել արհեստական ինտելեկտի նոր հետազոտական լաբորատորիա՝ մրցելու «ChatGPT»-ի և «Dall-E»-ի ստեղծողի հետ:
«Google»-ի «DeepMind»-ի նախկին աշխատակից Իգոր Բաբուշկինն ասել է, որ ինքը և Մասկը քննարկել են թիմ ստեղծելու հնարավորությունը: Այս ջանքերը կարող են մաս կազմել Մասկի ավելի մեծ հավակնությունների՝ ստեղծելու «X» կոչվող գերհզոր ու գերզինված հավելված:
