Իրանի Իսլամական Հանրապետության բանակի համակարգողի տեղակալ Հաբիբոլլահ Սայարին հայտարարել է, որ Իրանի Իսլամական Հանրապետության զինված ուժերը, Սահմանադրության համաձայն, ունեն երեք կարևոր խնդիր՝ տարածքային ամբողջականության պահպանում, անկախության պահպանում և Իրանի Իսլամական Հանրապետության սրբազան իսլամական համակարգի պահպանում։ Այս մասին տեղեկացնում է IRNA գործակալությունը։
«Տարվա ընթացքում բազմաթիվ զորավարժություններ ենք անցկացնում՝ գնահատելով մեր բանակի հնարավորությունները։ Այսօր մենք հայտարարում ենք, որ Իրանի Իսլամական Հանրապետության բանակը պատրաստ է դիմակայել ցանկացած սպառնալիքի և չեզոքացնել մեր սիրելի հայրենիքի սուրբ սահմանների դեմ ուղղված ցանկացած սադրանք՝ թույլ չտալով, որ որևէ մեկը ոտնձգություն կատարի Իսլամական Իրանի գոյության դեմ»,- հավելել է նա։
