Ֆրանսիայի նախագահ Էմանուել Մակրոնը ԵՄ ղեկավար Ուրսուլա ֆոն դեր Լեյենից անմիջապես առաջ այսօր Չինաստան է ժամանել։ Երկու եվրոպացի առաջնորդները ձգտում են հարթել հարաբերությունները հիմնական տնտեսական գործընկերոջ հետ՝ անդրադառնալով այնպիսի փշոտ հարցերի, ինչպիսիք են Ուկրաինայի հակամարտությունն ու առևտրային ռիսկերը:
Ֆոն դեր Լեյենը Եվրահանձնաժողովի նախագահ դառնալուց հետո չի մեկնել Չինաստան, քանի որ Չինաստանի խիստ համաճարակային հսկողությունը ստիպում էր բոլոր դիվանագիտական հանդիպումները առցանց կազմակերպել:
Չինաստանի ԱԳՆ-ն ավելի վաղ հայտնել էր, որ Սի Ցզինպինը և Ֆրանսիայի նախագահը բանակցություններ կվարեն համագործակցության խորացման և հիմնական միջազգային հարցերի շուրջ։ Ելիսեյան պալատը հայտնել է, որ Մակրոնն, ընդհանուր առմամբ, 6-7 ժամ կանցկացնի Չինաստանի առաջնորդի հետ քննարկումներում:
