Սաուդյան Արաբիայի և Իրանի գլխավոր բանագնացները կհանդիպեն հինգշաբթի օրը՝ Պեկինում: Երկու տարածաշրջանային մրցակիցները աշխատում են Չինաստանի միջնորդությամբ ձեռք բերված գործարքի պայմաններում իրենց դիվանագիտական մերձեցման հաջորդ քայլերը մշակելու ուղղությամբ:
Արքայազն Ֆեյսալ բեն Ֆարհան ալ Սաուդի և նրա իրանցի գործընկեր Հոսեյն Ամիր-Աբդոլլահյանի հանդիպումը կլինի Սաուդյան Արաբիայի և Իրանի ամենաբարձրաստիճան դիվանագետների առաջին պաշտոնական հանդիպումը ավելի քան յոթ տարվա ընթացքում:
Տարիներ շարունակվող թշնամությունից հետո, որը հակամարտություններ բորբոքեց Մերձավոր Արևելքում, Թեհրանը և Էր-Ռիադը Չինաստանի կողմից աջակցված գործարքի շրջանակներում պայմանավորվել են վերջ տալ դիվանագիտական խզմանը և վերաբացել դեսպանատները։
