Միջազգային
Իսրայելցի օդաչուները հրաժարվել են վարչապետ Նեթանյահուին Մեծ Բրիտանիա տանել
24 Մարտի 2023, 10:30
«Իսրայելի կառավարությունը չի կարողացել գտնել օդաչուի, ով հանձն կառնի վարչապետ Բենիամին Նեթանյահուի հետ Մեծ Բրիտանիա թռչել։ Այցը ստիպված հետաձգվել է», - գրում է The Telegraph-ը՝ վկայակոչելով բրիտանական կառավարության աղբյուրները: «Մենք հասկանում ենք, որ իսրայելցի օդաչուները հրաժարվում են Նեթանյահուին Մեծ Բրիտանիա տանել»,- ասել է աղբյուրը։
Սկզբում նա պետք է թռչեր հինգշաբթի՝ մարտի 23-ի երեկոյան, այժմ թռիչքը նախատեսված է ուրբաթ՝ մարտի 24-ի առավոտյան ժամը 4-ին։
Նախատեսվում են Իսրայելի վարչապետի բանակցությունները բրիտանացի գործընկեր Ռիշի Սունակի հետ, որի առանցքային թեման կլինի «Իրանի դեմ միասնական միջազգային ճակատ ստեղծելու անհրաժեշտությունը՝ նրա միջուկային ծրագիրը դադարեցնելու համար»։
