Ֆրանսիայի Ազգային ժողովը մերժեց կառավարությանն անվստահության հայտնելու երկու քվեարկությունները, որոնք նախարարների կաբինետի փորձից հետո՝ առանց խորհրդարանում քվեարկության կենսաթոշակային բարեփոխումներ իրականացնելու, առաջ քաշեցին ընդդիմադիր «LIOT» խմբավորումը և Մարին Լը Պենի «Ազգային միություն» կուսակցությունը։
«LIOT»-ի փաստաթղթին կողմ է քվեարկել 278 պատգամավոր, «Ազգային միության» առաջարկին՝ 94 հոգի։ Անվստահություն հայտնելու համար անհրաժեշտ էր հավաքել 287 ձայն։ Ֆրանսիայի կառավարությունը նախօրեին օգտվեց սահմանադրության հոդվածից, ըստ որի՝ կարելի է առանց առանց քվեարկության իրականացնել օրենքի ընդունում, եթե նախարարների կաբինետը մնա նախաձեռնված անվստահության քվեից հետո:
